विराटनगर : मोरङको रंगेली नगरपालिका–४ मा खोलाले बगाएर बुधबार बिहान एकजना बेपत्ता भएका छन् । घाँगी खोलाले बगाउँदा रंगेली–४ का ४५ वर्षीय नागेन मण्डल बेपत्ता भएको मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले बताए ।
उनका अनुसार ४ जनाले एकैपटक खोला तर्न खोजेका थिए । तर्ने क्रममा नागेनलाई बिहान १०:४५ बजेतिर खोलाले बगाएको बस्नेतले बताए । अन्य ३ जना सकुशल रहेको प्रहरीले जनाएको छ ।
प्रहरीका अनुसार बेपत्ताको खोजी जारी राखिए पनि हालसम्म फेला पार्न सकिएको छैन । उद्धार सामग्रीसहित नेपाल प्रहरीका १० जना र सशस्त्र प्रहरीका ८ जनाको संयुक्त टोलीले स्थानीयको सहयोग लिएर नागेनको खोजी गरिरहेको छ ।
प्रतिक्रिया दिनुहोस !
