तानसेन : पाल्पाबाट यस वर्षको एसईईमा दुई जनाले ४ जीपीए अंक प्राप्त गरेका छन्। जनता माध्यमिक विद्यालय(जेभेटी) तानसेनका उत्सव ढुङ्गाना र रामपुर नगरपालिकाको दराई ठाटी माध्यमिक विद्यालय रामपुरकी पूर्णिमा लक्ष्मी कुवँरले ४ जीपीए ल्याई जिल्ला प्रथम भएका छन्।
जेभिटीबाट ढुङ्गानासहित १२ जना ए प्लस सहित ६५ जना विद्यार्थी उत्तीर्ण भएका छन्। यसैगरी दराईठाटी माध्यमिक विद्यालयबाट कुवँरसहित ८ जनाले ए प्लस सहित २८ जना उत्तीर्ण भएका छन्। जेभिटी र दराई ठाटी दुवै विद्यालय सामुदायिक विद्यालय हुन्।
पाल्पाबाट ४ जीपीए ल्याउनेमा २ जना, ३.६१ देखि ४ जीपीए अर्थात ए प्लस ल्याउनेमा १०५ जना, ३.२१ देखि ३.६० जीपीए अर्थात ए ल्याउने विद्यार्थी २८२ जना, २.८१ देखि ३.२० अर्थात वि प्लस ल्याउनेमा ४३७ जना, २.४१ देखि २.८० सम्म अर्थात वि ल्याउनेमा २८१ जना र २.०० देखि २.४० जीपीए अर्था सि प्लस ल्याउनेहरूमा १२ जना रहेको शिक्षा विकास तथा समन्वय ईकाइ पाल्पाका प्रमुख महेन्द्र सुवेदीले बताए।
पाल्पाबाट नियमित रुपमा ४०१० र ग्रेड वृद्धि तर्फ १७२ गरी ४ हजार १ सय ८२ जना विद्यार्थीहरू परीक्षामा सहभागी भएका थिए। जसमा नियमित तर्फ १ हजार १ सय १७ जना उत्तीर्ण भएका छन् भने नन ग्रेडिङमा २ हजार ६ सय १० जना परेका छन्।
यस वर्षको एसईई नतिजामा पाल्पाबाट २७.८५ प्रतिशत मात्र विद्यार्थीहरू उत्तीर्ण भएका छन्। पाल्पाबाट ११८ वटा सामुदायिक र १९ वटा निजी विद्यालय गरी १३८ वटा विद्यालयबाट विद्यार्थीहरू एसईई परीक्षामा सहभागी भएका छन्।
प्रतिक्रिया दिनुहोस !
