किसानले धान दिवसमा नेतासँग मागे मल

किसानले धान दिवसमा नेतासँग मागे मल
सुन्नुहोस्

नुवाकोट : धान दिवसका अवसरमा नुवाकोटका किसानले नेतासँग मल माग गरेका छन्। धान दिवसमा सहभागी भएका नेताहरूलाई किसानले रासायनिक मल माग गरेका हुन्। किसानहरूले खाद्यान्न तथा तरकारी बालीमा राख्नका लागि रासायनिक मल पाउन नसकेको कार्यक्रममा गुनासो गरे।  

लिखु गाउँपालिका-६ को थानसिङमा धान दिवस तथा रोपाइँ महोत्सवमा सहभागी भएका प्रतिनिधि सभा सदस्य तथा पूर्व अर्थमन्त्री डा. प्रकाशशरण महतलाई किसानले समस्या राखे। 

महतले किसानहरूको समस्या समाधान गर्न सरकार क्रियाशील हुनुपर्ने बताए  आवश्यक मल नपाउँदा कृषि प्रधान देश नेपालमा किसानलाई समस्या परेको र यसको समाधान सबै पक्षको सहकार्यबाट गर्नुपर्ने उनको भनाइ छ । 

उनले कृषिमा आधुनिक यन्त्र उपकरणको प्रयोग गरेर उत्पादन बढाइ युवा पलायन हुने कार्य नियन्त्रण गर्नुपर्ने बताए। कार्यक्रममा बागमती प्रदेश सभा सदस्य बहादुरसिंह लामाले किसानका माग समस्या समाधानका लागि सरकारले विशेष कार्य गर्नु पर्ने माग गरे ।

नवाकोटको वुहुनीवेशी, तुप्चे, थानसिङ, गेर्खुटार, बेलकोटगढी, मदानपुर, तादी, पञ्चकन्या, ककनी लगायतका स्थानमा धान रोप्दै महोत्सव गरिएका छन्। नुवाकोटमा मौसमका आधारमा चैते, बर्खे, भदैया, घैया, हिउँदे (बोरो)धानको खेती हुने गरेको छ।


 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.