काठमाडौं : नेपाली कांग्रेसले चीनको बिआरआई परियोजना ऋणमा स्वीकार्य नहुने बताएको छ। सभापति शेरबहादुर देउवा निवासमा सोमबार भएको पदाधिकारी बैठकले बिआरआई ऋणमा लिन नसकिने निष्कर्ष निकालेको हो।
बिआरआई पूर्ण अनुदानमा मात्रै स्वीकार गर्न सकिने कांग्रेसका प्रवक्ता प्रकाशशरण महतले ताए। 'सरकारले बिआरआईका बारेमा केही गृहकार्य गरिरहेको थाहा पाएका छौं। यही बेला चीनका उपविदेशमन्त्री पनि नेपाल आउनुभएको थियो। कांग्रेसले बिआरआई अनुदानमा मात्रै स्वीकार गर्छ। नेपालमा ऋणको बोझ धेरै भइसक्यो। ऋणको आकारलाई अझै बढाएर लानु हुँदैन,' महतले भने।
कांग्रेसले पहिल्यैदेखि बिआरआई अनुदानमामात्रै स्वीकार गर्ने बताउँदै आएको छ। तत्कालीन प्रधानमन्त्री शेरबहादेर देउवाले चिनियाँ विदेशनमन्त्री वाङ यीसँग भेटमा पनि ऋणमा बिआरआई लिन नसकिने बताएका थिए।
प्रतिक्रिया दिनुहोस !
