इजराइल रक्षा बल (आइडीएफ) ले सोमबार बिहान गाजा पट्टीबाट दक्षिणी इजराइलतर्फ करिब २० वटा रकेट प्रहार भएको जनाएको छ। रकेटहरूले गाजा पट्टी नजिकका समुदायहरू किबुट्ज किसुफिम र किबुट्ज इन हास्लोशामा साइरनहरू बजाएको थियो।
आइडीएफले एक विज्ञप्ति जारी गर्दै भनेको छ, 'गाजाको खान युनिस क्षेत्रबाट करिब २० वटा रकेट प्रहार भएको पहिचान गरिएको थियो।'
इजराइलले सन् २०२३ अक्टोबर ७ मा हमासको आक्रमणको जवाफमा गाजामा आफ्नो सैन्य आक्रमण सुरु गरेको थियो। यस क्रममा हमास लडाकूहरूले दक्षिणी इजराइलमा घुसपैठ गरेका थिए।
लगातार इजराइली भूमि र हवाई आक्रमणले गाजामा कम्तिमा ३७ हजार नौ सय मानिसको ज्यान लिएको छ।
प्रतिक्रिया दिनुहोस !
