कांग्रेस-एमालेको गठबन्धनले जनतामा छाएको निराशालाई हटाउने काम गर्यो : नेता निधि
असार १८, २०८१ मंगलबार १६:१९:५६
काठमाडौं : नेपाली कांग्रेसका नेता बिमलेन्द्र निधिले कांग्रेस–एमालेको गठबन्धनले जनतामा छाएको निराशा हटाउने गरी काम गर्ने बताएका छन्। प्रेस युनियन मोरङले मंगलबार बिराटनगरमा आयोजना गरेको पत्रकार सम्मेलनमा निधिले एमाले र कांग्रेसबीच आलोपालो नेतृत्व गरेर अघि बढ्ने र जनतामा छाएको निराशा हटाउने गरी राष्ट्रिय सहमतिको सरकार बनाउने सहमति भएको समेत बताएका हुन्।
उनले संघीयता,समावेशिता र लोकतन्त्रका मुल्य मान्यतालाई थप सुदृढ गरेर संविधान संशोधन गरिने जानकारी दिए । संघीय लोकतान्त्रिक गणतन्त्रलाई थप मजबुत र परिष्कृत गर्न संविधान संसोधन गर्न लागिएको उनको भनाइ छ ।
यस्तै, उनले केन्द्रमा सत्ता समीकरण परिवर्तन हुँदैमा प्रदेशहरुमा सत्ता फेरबदल हुनु संघीयताको मुल मर्म विपरित भएको जिकिर गरे। निधिले विभिन्न प्रकरण,आरोप र विवादहरूलाई संविधान र कानुनअनुसार अघि बढाउने र यसका लागि सत्ता भित्र वा बाहिर हुनुले कुनै फरक नपर्ने बताए।
प्रतिक्रिया दिनुहोस !
