स्याङ्जा बिरुवाको पहिरोमा बेपता भएका माधव मृत भेटिए, मृतकको संख्या ३ पुग्यो

स्याङ्जा : जिल्लाको बिरुवा गाउँपालिका ६ लामाखेतमा पहिरोमा पुरिएर मृत्यु हुनेको संख्या ३ पुगेको छ। बेपत्ता भएका माधव शर्मा पनि शनिबार साँझ मृत भेटिएपछि मृत्यु हुनेको संख्या ३ पुगेको हो।

पहिराले पुरिएर बिरुवा गाउँपालिका–६ माझकोट का ६७ वर्षीया हरिमाया शर्मा, ६५ वर्षीया गुह्येश्वरी शर्माको मृत्यु भएको थियो भने ७१ वर्षीय माधव शर्मा बेपत्ता भएका थिए। पहिराको जोखिममा रहेका आफ्ना घरबाट सुरक्षित स्थानमा सरेका उनीहरू सोही ठाउँमा  पनि पहिरो खस्दा मृत्यु भएको हो।

वडाध्यक्ष कृष्णबहादुर क्षेत्रीले भने, ‘सुरक्षित भनेर राखिएको ठाउँमा दिउँसो अचानक पहिरो खसेर घर पुरिँदा उहाँहरूको मृत्यु भयो।’ पहिरामा परी घाइतेको उपचार भैरहेको छ।