वीरेन्द्रनगर : सुर्खेतको सिम्ता गाउँपालिका-९ खाम्नामा रहेको कुदाल खोलाले बगाउँदा बालिका बेपत्ता भएकी छन्।
सिम्ता गाउँपालिका-९ बस्ने कल्पना बादीकी ७ वर्षीया छोरी मनीषा बादीलाई कुदाल खोलाले बगाएको प्रहरी चौकी आलीले जनाएको छ।
बालिकालाई खोलाले बगाएपछि स्थानीयले प्रहरीलाई खबर गरेका थिए। खोलाले बगाएर बेपत्ता भएकी बालिकाको खोजीकार्य जारी रहेको जिल्ला प्रहरी कार्यालय सुर्खेतका प्रहरी उपरीक्षक रुपेश खड्काले बताए।
प्रतिक्रिया दिनुहोस !
