संविधानभन्दा पनि दलका नेताहरुको प्रवृतिमा सुधार गरौं : सांसद घर्ती

काठमाडौं : नेकपा माओवादी केन्द्रका सांसद पूर्ण बहादुर घर्तीले कांग्रेस–एमालेको समिकरणले देशमा राजनीतिक स्थिरता हुनेमा शंका नै रहेको बताएका छन् । 

सोमबार बसेको प्रतिनिधिसभा बैठकमा घर्तीले संविधान संशोधनका नाममा यसको मूल मर्मलाई असर गर्ने काम गर्न नहुनेमा जोड दिएका हुन्। 

राजनीतिक स्थिरताका लागि संविधानमा सुधार गर्ने भनिएता पनि संविधानभन्दा पनि दलका नेताहरुको प्रवृतिमा सुधार गर्नुपर्ने उनको भनाई छ । सांसद घर्तीले राजनीतिक परिर्वतन सँगै चिन्तनमा रहेको सामन्ति संस्कारलाई संशोधन गरेमात्रै देशले समृद्धिको खाका कोर्न सक्ने धारणा राखे । 

संसदीय प्रणालीमा सरकार र कुर्सी फेरबदल हुनु स्वभाविक रहेको भन्दै दलहरुको क्रियाकलाप देशको हितमा छ वा छैन भन्ने महत्वपूर्ण रहेको उनको भनाई छ।