झापा : झापामा एक बालकसहित दुई जनाको डुबेर मृत्यु भएको छ। झापा गाउँपालिका-२ स्थित सानो माई खोलामा डुबेर सोही ठाउँका सडकवाडी गाउँ निवासी रहमान आलमका अढाई वर्षका छोरा दिलसाद आलमको मृत्यु भएको जिल्ला प्रहरी कार्यालय झापाले जनाएको छ।
घर अगाडि रहेको माई खोलामा डुबेर ती बालकको सोमबार बिहान ११ बजे मृत्यु भएको प्रहरीले जनाएको छ। प्रहरीले बालकको शवको कानुनी प्रक्रिया पूरा गरी पोस्टमार्टमको लागि प्रादेशिक अस्पताल भद्रपुर पठाएको थियो।
त्यस्तै बाह्रदशी गाउँपालिका–२ स्थित राजगढ निवासी ६५ वर्षीय मोहन राजवंशीको स्थानीय पैनीमा डुबेर मृत्यु भएको हो। स्थानीयले आइतबार राति साढे ९ बजे डुबेको अवस्थामा उनको शव पैनीबाट बाहिर निकालेका थिए। उनको शव नजिकै साइकल समेत फेला परेको थियो। प्रहरीले घटनाको बारेमा अनुसन्धान गरिरहेको जनाइएको छ।
प्रतिक्रिया दिनुहोस !
