फ्रान्सलाई पराजित गर्दै स्पेन युरो कपको फाइनलमा
![फ्रान्सलाई पराजित गर्दै स्पेन युरो कपको फाइनलमा](https://annapurnapost.prixacdn.net/media/albums/EURO-2024-spain_3csTyctXhM_FxY0LKAvg2.jpg)
काठमाडौं : फ्रान्सलाई पराजित गर्दै स्पेन युरो कप २०२४ को फाइनलमा प्रवेश गरेको छ। लामिन यामलले युरोमा सबैभन्दा कम उमेरमा गोल गर्ने कीर्तिमान बनाएको मंगलबार राति भएको पहिलो सेमिफाइनलमा स्पेनले फ्रान्सलाई २-१ ले हराएर फाइनल पुगेको हो।
म्युनिख एरेनामा भएको खेलमा फ्रान्सले सुरुवाति अग्रता लिएको थियो। ९ मिनेटमै राण्डल कोलो माउनीले गोल गर्दै फ्रान्सलाई अग्रता दिलाएका थिए। तर, २१औं मिनेटमा लामिन यामलले पेनाल्टी बक्स बाहिरबाट उत्कृष्ट गोल गर्दै खेल १-१ को बराबरी बनाएका थिए। यामल १६ वर्षीय खेलाडी हुन्। गोलसँगै उनले आफ्नो नाममा कीर्तिमानी लेखाउन सफल भएका छन्।
खेलको २५ औं मिनेटमा डानी ओल्मोले गरेको शक्तिशाली प्रहार गोलमा परिणत हुँदा स्पेनले २-१ को अग्रता लिएको थियो। त्यसपछि खेलमा कुनै गोल हुन नसक्दा स्पेन फाइनलमा पुग्न सफल भएको छ।
स्पेनले अब बुधबार राति नेदरल्याण्ड्स र इंग्ल्याण्डबीच हुने सेमिफाइनलको विजेतासँग उपाधिका लागि खेल्नेछ। स्पेन १२ वर्षपछि उपाधि नजिक पुगेको हो।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)