काठमाडौं : रिद्धि सिद्धि सिमेन्टले आफ्नो सामाजिक उत्तरदायित्व अन्तर्गत मकवानपुर जिल्लालाई लक्षित गरी आयोजना गरेको ‘मकवानपुर स्मार्ट स्टूडेण्ट अफ द इएर २०८०’ को छात्रवृत्ति कार्यक्रम सम्पन्न गरिएको छ।
यस छात्रवृत्ति कार्यक्रममा कुल १०९ विद्यार्थी सहभागी भएका थिए। रोबोटिक ल्याबमा बनेको स्मार्ट सिमेन्ट रिद्धि सिद्धि सिमेन्टले आयोजना गरेको यस कार्यक्रममा लिखित परीक्षा तथा दौड प्रतियोगिता मार्फत पिप्ले रंगशालामा बृहत् कार्यक्रम आयोजना गरेको थियो।
यस कार्यक्रममा मकवानपुर जिल्लाबाट एसईई परीक्षामा ४ जिपिए ल्याएकी डौफिन राइका मगरलाई सम्मान स्वरूप नगद १० हजार १ रुपैयाँ प्रदान गरिएको थियो। यस छात्रवृत्तिका कार्यक्रम अन्तर्गत कम्पनीले पहिलो हुने विद्यार्थीलाई मासिक रूपमा ५ हजार, दोस्रो हुनेलाई ३ हजार ५ सय, तेस्रो हुनेलाई २ हजार ५ सयका साथै सान्त्वना स्वरूप थप ८ विद्यार्थीलाई मासिक रूपमा १ हजार ५०० एक वर्षसम्म उपलब्ध गराउने छ।
प्रतिक्रिया दिनुहोस !
