कस्तुरीको विनासहित हुम्लामा एकजना पक्राउ
![कस्तुरीको विनासहित हुम्लामा एकजना पक्राउ](https://annapurnapost.prixacdn.net/media/albums/arrested_X4dcUMbDNS_W3cvndVfmY.jpg)
हुम्ला : कस्तुरीको विनासहित एकजनालाई प्रहरीले पक्राउ गरेको छ। बुधबार दिउँसो ५ बजेतिर नाम्खा गाउँपालिका-२ का कन्जोक तामाङलाई कस्तुरीको विनासहित पक्राउ गरेको हो। जिल्ला प्रहरी कार्यालय हुम्लाका अनुसार सिमकोट गाउँपालिका-६ स्थित तामाङको घरबाट ३४९ ग्राम कस्तुरीको विनासहित उनलाई पक्राउ गरिएको हो।
उनी दिल्लीहुँदै साउन -१ गते बेलुकी सिमकोट पुगेको खुल्न आएको जिल्ला प्रहरी कार्यालय हुम्लाका प्रहरी नायब उपरीक्षक रविन्द्र खनालले बताए । बरामद गरिएको कस्तुरीको विनाको मुल्य ११ लाख रुपैयाँ जति पर्न आउने प्रहरी नायब उपरीक्षक खनालले बताए ।
बरामद गरिएको कस्तुरीको विना र तामाङलाई डिभिजन वन कार्यालय हुम्लालाई बुझाइने जिल्ला प्रहरी कार्यालय हुम्लाका प्रहरी नायब प्रहरी उपरीक्षक खनालले बताए।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)