काठमाडौं : परराष्ट्रमन्त्री डा.आरजु राणा देउवा र अमेरिकी राजदूत डिन आर थम्पसनबीच भेटवार्ता भएको छ। शुक्रबार सिंहदरबारस्थित परराष्ट्र मन्त्रालयमा भएको भेटवार्तामा राजदूत थम्पसनले मन्त्री राणालाई बधाइ तथा शुभकामना दिँदै सफल कार्यकालको शुभकामना दिएका थिए।
मन्त्री राणा र राजदूत थम्पसनबीच दुई देशको सम्बन्ध र विकास साझेदारीलगायत विविध पक्षमा छलफल भएको थियो। भेटमा पारस्परिक लाभका विविध पक्ष, विकास तथा साझेदारीका विषयमासमेत छलफल भएको परराष्ट्र मन्त्रालयले जनाएको छ ।
नयाँ सरकार गठन भएसँगै विभिन्न देशका राजदूतहरूले प्रधानमन्त्रीसहित मन्त्रीहरूलाई भेटेर बधाइ तथा शुभकामना दिइरहेका छन्। आजै राजदूत थम्पसनले गृहमन्त्री रमेश लेखकलाई भेटेर बधाइ तथा शुभकामना दिएका थिए।
प्रतिक्रिया दिनुहोस !
