वासिङटन डिसी : पूर्व अमेरिकी राष्ट्रपति एवं रिपब्लिकनबाट राष्ट्रपति पदका उम्मेदवार डोनाल्ड ट्रम्पले बिहीबार भएको आक्रमणको कुरा गर्दै आफू भगवानको कृपाले बाँचेको बताएका छन्।
पेन्सिलभेनियामा आयोजित चुनावी र्यालीमा गोली प्रहारबाट घाइते भएका ट्रम्पले मिल्वाकीमा आयोजित रिपब्लिकन सम्मेलनलाई सम्बोधन गर्दै भने, 'म आज राती यहाँ हुने थिइनँ।'
ट्रम्पले घटनाको स्मरण गर्दै भने, 'मैले चर्को आवाज सुनेँ र मेरो दाहिने कानमा चोट लागेको महसुस गरें। मैले तत्काल आफ्नो कानमा हात लगें, कान रगतले ढाकिएको थियो । ममाथि आक्रमण भइरहेको छ भन्ने मलाई तुरुन्तै थाहा भइहाल्यो ।'
सिक्रेट सर्भिसका कर्मचारीहरूले गोली चलिरहेकै अवस्थामा स्टेजमा पुगेर आफूलाई सुरक्षित स्थानमा लगेको उनले बताए। यदि मैले गोली प्रहार भएको अन्तिम क्षणमा टाउको नचलाएको भए हत्याराको गोली निशानामा लाग्ने थियो ।
प्रतिक्रिया दिनुहोस !
