काठमाडौं : नेपाल कम्युनिष्ट पार्टी (एकीकृत समाजवादी) ले केन्द्रीय कमिटी बैठक बिहीबार बोलाएको छ। एकीकृत समाजवादीको केन्द्रीय कमिटी बैठक पार्टी केन्द्रीय कार्यालय आलोकनगरमा बिहान ११ बजे बस्ने नेता सोमप्रसाद पाण्डेले जानकारी दिए।
उनका अनुसार बैठकले केन्द्रीय कमिटीलाई पूर्णता दिन कार्यविधि तथा मापदण्ड बनाउने, कमिटीलाई पूर्णता दिनेछ। केन्द्रीय कमिटीले पूर्णता पाएपछि मात्रै पदाधिकारी चयन गर्नेलगायत विषय मा छलफल हुनेछ।
केन्द्रीय सदस्यका लागि सबै प्रदेशले केन्द्रमा पठाएको सिफारिसका आधारमा नेताहरूको योगदान र क्षमताको मूल्याङ्कन गरी सन्तुलन मिलाएर मनोनयन गरिने नेता पाण्डेले जानकारी दिए । पार्टीमा दुई सय छ केन्द्रीय सदस्य पद रिक्त छन् ।
प्रतिक्रिया दिनुहोस !
