झापा : झापाको कचनकवलमा करेन्ट लागेर एकजनाको मृत्यु भएको छ । मृत्यु हुनेमा कचनकवल गाउँपालिका–४ निवासी तुलाराम साहका १६ वर्षीय छोरा विशालकुमार साह रहेको जिल्ला प्रहरी कार्यालय झापाले जनाएको छ ।
पौने ९ बजेको समयमा घरको भान्सा कोठामा नाङ्गो तारमा छुँदा उनलाई करेन्ट लागेको थियो । करेन्ट लागेर घाइते भएका उनलाई तत्काल उपचारको लागि प्राथमिक उपचार केन्द्र बनियानीतर्फ लैजाँदै गर्दा बाटोमै मृत्यु भएको थियो ।
घटना बारेमा प्रहरीले आवश्यक अनुसन्धान गरिरहेको जनाइएको छ ।
प्रतिक्रिया दिनुहोस !
