झापा : झापामा मोटरसाइकल दुर्घटना हुँदा बुबाको मृत्यु भएको छ भने छोरा घाइते भएका छन्। झापा गाउँपालिका–३ फुलगाछी चोकस्थित कुमरखोद–सुरुङ्गा सडक खण्डमा आइतबार दिउँसो १२:४५ बजेको समयमा सुरुङ्गाबाट झापातर्फ जाँदै गरेको प्रदेश १–०१–०१६–१६१२ नम्बरको मोटरसाइकल आफैं अनियन्त्रित भई दुर्घटना भएको थियो।
दुर्घटनामा परी मोटरसाइकल चालक सोही ठाउँका ५४ वर्षीय निजामुदिन मियाँ र मोटरसाइकलमा पछाडि सवार उनका छोरा १९ वर्षीय सालेमान मियाँ घाइते भएका थिए। घाइतेहरूलाई तत्काल उपचारको लागि बिर्तासिटी अस्पताल बिर्तामोड लगिएको थियो। अस्पताल पुर्याएलगतै डाक्टरले चेकजाँच गर्दा चालक निजामुदिनको मृत्यु भइसकेको थियो।
बायाँ हातमा चोट लागेका घाइते सालेमानको सोही अस्पतालमा उपचार भइरहेको जिल्ला प्रहरी कार्यालय झापाले जनाएको छ।
प्रतिक्रिया दिनुहोस !
४
