काठमाडौं : साउन महिनाको दोस्रो सोमबार काठमाडौंको पशुपतिनाथलगायत देशभरका शिवालयहरूमा भक्तजनको घुइँचो लागेको छ । साउनको सोमबार पशुपतिनाथ मन्दिरलगायत देशभरका शिवालयमा भक्तजनको भीड लाग्ने गर्छ ।
साउन महिना र सोमबार भगवान् शिवजीको महिना र बार भएकाले पनि यस अवसरमा धेरै भक्तजनको भीड लाग्ने जनाइएको छ । यस वर्षको साउन महिनामा चार सोमबार परेका छन् । हरेक सोमबारमा ब्रत बसेर महिला र पुरुषले शिवको भक्तिपूर्वक पूजा गर्छन् ।
हरियो, पहेंलो र रातो पहिरनमा सजिएका व्रतालुको घुइँचो काठमाडौंको पशुपतिमा देखिएको थियो । यस महिनामा बोलबम यात्रा गरिन्छ । बोलबम यात्रीहरूले काठमाडौंको सुन्दरीजलबाट शुद्ध जल पैदल हिंडेर ल्याइ पशुपतिमा चढाउने गरिन्छ।
प्रतिक्रिया दिनुहोस !
