विरारटनगर : सामान्य उपचारका लागि विराटनगर र रंगेली जानुपर्ने बाध्यताले आजिज बनेका धनपालथानबासीले अब स्थानीयस्तरमै सेवासुविधायुक्त उपचार पाउने भएका छन्।
स्थानीय स्तरमा अस्पताल नहुँदा सामान्य उपचारका लागि विराटनगर र रंगेली जानुपर्ने बाध्यताले आजित बनेका स्थानीयबासीको चाहनाअनुसार अस्पताल निर्माण हुन थालेपछि भोग्दै आएको समस्या समाधान हुन लागेको हो ।
दैनिक मजदुरी गरेर जीविकोउपार्जन गर्नेहरूले अस्पताल निर्माण हुन थालेपछि आफूहरूले भोग्दै आएको उपचारको सास्ती हटेर जाने बताएका छन्। केही वर्षअघि नै अस्पताल बनाउन गाउँपालिकाले निर्णय गरेको थियो। तर, बजेटको सुनिश्चता नभएकाले सवै प्रक्रिया पूरा भए पनि अस्पताल निर्माणको काम सुरु हुन सकेको थिएन। यस वर्षको बजेटमा ६ करोड ५० लाख बजेट बिनयोजन भएको छ। वडाध्यक्ष गयाननद सरदारको बिशेष पहलमा यस वर्ष बजेट सुनिश्चित भएपछि काम सुरु भएको हो। तीन वर्षमा सम्पन हुनेगरी अस्पताल निर्माणको काम सुरु भएको वडाध्यक्ष सरदारले बताए।
प्रतिक्रिया दिनुहोस !
