सिन्धुली : सिन्धुलीमा खोलाले बगाउँदा एक जना बालकको मृत्यु भएको छ।
जिल्लाको तीनपाटन गाउँपालिका-१ मा रहेको हाँडीखोलाले बगाउँदा सोही गाउँपालिका-४ लुभु बस्ने कमल तामाङको अन्दाजी चार वर्षका छोरा मन्जिल तामाङको मृत्यु भएको हो।
हाँडिखोलाले बगाएर बालकलाई हाँडी खोलाको दोभानमा ल्याई ढुंगा अड्किरहेको अवस्थामा स्थानीय सेतीमाया अछामी मगरले देखेपछि स्थानीयले प्रहरीलाई खबर गरेका थिए।
खोलाबाट उद्धार गरी लाम्पान्टार स्वास्थ्य केन्द्रमा पुर्याइएको भए पनि चिकित्सकले बालकलाई मृत घोषणा गरेका थिए।
बालकको शव अनुसन्धानपछि परिवारलाई बुझाइएको प्रहरीले जनाएको छ।
प्रतिक्रिया दिनुहोस !
