हेटौंडा : बागमती प्रदेशका नवनियुक्त प्रदेश प्रमुख दीपकप्रसाद देवकोटाले शुक्रबार पदभार ग्रहण गरेका छन् । गत साउन १४ गते बसेको मन्त्रिपरिषद् बैठकले प्रदेश प्रमुख यादवचन्द्र शर्मालाई हटाएर देवकोटालाई प्रदेश प्रमुख नियुक्त गर्ने निर्णय गरेको थियो ।
राष्ट्रपति रामचन्द्र पौडेलले मन्त्रिपरिषद्को सिफारिस अनुसार बुधबार संविधानको धारा १६३ को उपधारा २ बमोजिम उनलाई प्रदेश प्रमुखमा नियुक्त गरेका हुन् ।
कार्यक्रममा बागमती प्रदेशका मुख्यमन्त्री बहादुरसिं लामा,बागमती प्रदेशका सभामुख भुवन कुमार पाठक,मन्त्रीलगायतकाको उपस्थिति रहेको थियो ।
शुक्रबारै निवर्तमान प्रदेश प्रमुख यादवचन्द्र शर्माको बिदाइ गरिएको छ । नवनियुक्तत प्रदेश प्रमुख देवकोटाले माला र खादा लगाएर बिदाइ गरेका हुन् । नेकपा एकीकृत समाजवादीको कोटाबाट प्रदेश प्रमुख बनेका शर्माले करिब तीन वर्ष कार्यभार सम्हालेका थिए । देवकोटा नेकपा एमालेको सिफारिसमा प्रदेश प्रमुख नियुक्त भएका हुन् ।
प्रतिक्रिया दिनुहोस !
