मलंगवा : बोलबल तीर्थयात्री बोकेका ट्याक्टर दुर्घटना हुँदा महिलाको मृत्यु भएको छ। ३ जना घाइते भएका छन्।
मृत्यु हुनेमा चक्रघट्टा गाउँपालिका-५ की अन्दाजी ५४ वर्षीया पतही देवी रहेको जिल्ला प्रहरी कार्यालय सर्लाहीले जनाएको छ। दुर्घटनामा परी गम्भीर घाइते भएकी पतहीको उपचारको क्रममा वीरगन्जमा मृत्यु भएको हो।
भारतको मढिया शिव मन्दिरमा जल चढाएर फर्किएका तीर्थयात्रीलाई चक्रघट्टा गाउँपालिका-८ औरही तर्फ आउँदै गरेको ज २ प ३२७ नम्बरको ट्याक्टर मलंगवा नगरपालिका-१२ गम्हरिया छेउको नहरमा खसेको थियो। दुर्घटनामा घाइते भएकाहरूको मलंगवास्थित प्रादेशिक अस्पतालमा उपचार भइरहेको छ।
प्रतिक्रिया दिनुहोस !
