रुकुमपूर्व : रुकुमपूर्व आउँदै गरेको पिकअप भ्यान दुर्घटना भएको छ । दुर्घटनामा जीपका चालक घाइते भएका छन्। जिल्ला प्रहरी कार्यालयका रुकुम पश्चिमका प्रहरी नायब उपरीक्षक नवराज पोरखेलका अनुसार दुर्घटनामा मुसिकोट नगरपालिका ८ घोरखानी निवासी जीप चालक १९ वर्षीय डम्मर खड्का घाइते भएका भएका छन्।
रुकुम पश्चिमको मुसिकोट नगरपालिका वडा नम्बर ७ र ८ को सिमानामा पर्ने रिनदह नजिकै भ्यान दुर्घटना भएको हो । जीप उकाले चढ्ने क्रममा पल्टिन जाँदा उनी च्यापिएर घाइते भएको प्रहरीले जनाएको छ।
सोमबार बिहान रुकुम पश्चिमको मुसिकोट खलङगाबाट रुकुम पूर्वको रुकुमकोटतर्फ आउँदै गरेको रा १ च १३१७ नम्बरको सामान बोक्ने जीप मध्यपहाडि राजमार्गको सडकखण्डमा दुर्घटना भएको हो।
प्रहरीका अनुसार जीपका सहचालक त्रिवेणी गाउँपालिका १० निवासी १७ वर्षीय जयप्रकाश गौतम भने सकुशल छन्। । घटनास्थलमा नेपाल प्रहरी र मुसिकोट नगर प्रहरी पुगेको छ । घटनाबारे अनुसन्धान भइरहेको प्रहरीले जनाएको छ।
प्रतिक्रिया दिनुहोस !
