दाङ : दाङमा बस दुर्घटना हुँदा २० जना घाइते भएका छन्। लमही घोराही सडक खण्डको दाङको सिस्ने खोलामा बस दुर्घटना भएको हो।
बुटवलबाट तुलसीपुर जाँदै गरेको लु १ ख ८४१२ नम्बरको बस सिस्ने खोलाको उकालो नजिक दुर्घटना भएको जिल्ला ट्राफिक कार्यालयका वरिष्ठ सई ईश्वरी देवकोटाले जानकारी दिए।
उनका अनुसार बस दुर्घटना सोमबार दिउँसो साढे ३ बजेतिर भएको हो। बस दुर्घटना हुँदा बसमा सवार २० जना घाइते भएका छन्। घाइतेहरूको अवस्था मध्यम रहेको छ।
दुर्घटनामा परी घाइते भाकाहरूको राप्ती स्वास्थ्य विज्ञान प्रतिष्ठानमा उपचार भइरहेको छ। बसको स्ट्रिङ फेल हुँदा दुर्घटना भएको चालकले प्रहरीलाई बताएका छन्। बससहित चालकलाई प्रहरीले नियन्त्रणमा लिएको छ। घटनाको थप अनुसन्धान भइरहेको छ।
प्रतिक्रिया दिनुहोस !
८
