सिन्धुली : मध्ये पहाडी लोकमार्ग अन्तर्गत सिन्धुली जिल्लाको खुर्कोट–घुर्मि खण्ड अवरुद्ध भएको छ । मध्यपहाडी लोकमार्ग अन्तर्गत सिन्धुलीको गोलन्जोर गाउँपालिका ७ अक्करे भिरमा अविरल वर्षाका कारण आएको पहिरो, ढुङ्गा र माटोसहितको लेदोको कारण सडक अवरुद्ध भएको हो ।
सिन्धुलीका प्रहरी प्रमुख गोविन्दराज काफ्लेका अनुसार बिहिबार बिहान पौने ६ बजेदेखि सडक अवरुद्ध भएको हो । सडक माथिबाट आएको पहिरो, ढुङ्गा र माटोसहितको लेदोको कारण दुबैतर्फको सडक अवरुद्ध भएको छ । अवरुद्ध खडक खुलाउन इलाका प्रहरी कार्यालय खुर्कोट र प्रहरी चौकी ग्वाल्टारका प्रहरी उक्त स्थानमा पुगिसकेको प्रहरी प्रमुख काफ्लेको भनाइ छ ।
सडक अवरुद्ध हुँदा पहाडी जिल्लाहरु खोटाङ, ओखलढुंगा, सोलुखुम्बुबाट राजधानी काठमाडौं हिँडेका सवारीसाधन र राजधानीबाट ती जिल्लामा आएका सवारीसाधन बीच बाटोमा नै रोकिएर अलपत्र परेका स्थानीयले बताएका छन् ।
प्रतिक्रिया दिनुहोस !
