बझाङको बुङ्गलमा घरमाथिबाट पहिरो खस्यो : एकै परिवारका ४ जना बेपत्ता, ५ को उद्धार
![बझाङको बुङ्गलमा घरमाथिबाट पहिरो खस्यो : एकै परिवारका ४ जना बेपत्ता, ५ को उद्धार](https://annapurnapost.prixacdn.net/media/albums/pahiro_YwXO2lCx2Y_k48iCOFopt.jpg)
बझाङ : बझाङको बुङ्गल नगरपालिका-१० स्थित टुमेडामा एक घरमाथिबाट पहिरो जाँदा ४ जना बेपत्ता भएका छन् । गाउँमा एक्लै रहेको बिरा धामीको घर माथिबाट पहिरो खस्दा बिरा धामीका श्रीमती बुहारी र दुई नातिनी बेपत्ता भएका छन्।
९ जना सदस्य रहेको उक्त घरमाथि राति १ बजे खसेको पहिरोले घर क्षतविक्षत बनाएको छ। पहिरो जानेबित्तिकै गाउँलेको प्रयासले ५ जनाको जिवितै उद्धार गरिएको छ भने चार जना बेपत्ता भएको स्थानीय भरत महराले बताए।
उद्धारका लागि अहिले झापा प्रहरी चौकीबाट प्रहरी टोली त्यसतर्फ खटिएको छ । स्थानीयहरू रातभर लागे पनि उद्धारमा कठिनाइ भइरहेको छ । सदरमुकाम चैनपुरमा नेपाल टेलिकमको कुनै सेवा नहुँदा जिल्ला प्रशासन कार्यालय र जिल्ला प्रहरी कार्यालयलाई सम्पर्क हुन सकेको छैन ।
बिरा धामी , उज्जल धामी, रोसन धामी, कमला धामी, शान्ति धामीको उद्धार भएको र उनीहरु सकुशल रहेका स्थानीयले जनाएका छन्। काली धामी, गोल्की धामी, आसिका धामी, लक्ष्मी धामी भने भेटिएका छैनन्। उनीहरुको उदार भैरहेको स्थानीयले बताए ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)