बेनी : म्याग्दीको मालिका गाउँपालिका –३ डाडागाउँमा गएराती महिलाको हत्या भएको छ ।
डाडागाउँको गलकोटमा आइतबार राती ३५ वर्षीय दलबिर श्रीपालीले धारीलो हतियार प्रहार गरि सोही ठाउँकी ४३ वर्षीया बिना कुमारी बिकको हत्या गरेका जिल्ला प्रहरी कार्यालय म्याग्दीले जनाएको छ ।
हत्यामा संलग्न दलबिरलाई इलाका प्रहरी कार्यालय दरवाङबाट खटिएको टोलीले खतेन गाउँबाट राती नै नियन्त्रणमा लिएको जिल्ला प्रहरी कार्यालयका प्रहरी निरीक्षक राजन रायमाझीले बताए ।
घटनास्थलमा बन्चरो, दाउ र हसिया फेला परेको स्थानीय लालबहादुर घतानेले बताए । मृतकको टाउकोमा चोट लागेको छ । स्थानीयका अनुसार नाताले दिदीभाई पर्ने उनीहरुबीच केही समयअघि जग्गा किनबेचको बिवाद थियो । थप अनुसन्धान भैरहेको प्रहरी निरीक्षक रायमाझीले बताए ।
प्रतिक्रिया दिनुहोस !
