बंगलामुखी मन्दिर नजिकैको घरमा आगलागी (तस्बिर)
![बंगलामुखी मन्दिर नजिकैको घरमा आगलागी (तस्बिर)](https://annapurnapost.prixacdn.net/media/albums/AAGO_6_eCfrN7dsVK_5q7pRpOQoh.jpg)
काठमाडौं : ललितपुरको बंगलामुखी मन्दिर नजिकैको एउटा घरमा आगलागी भएको छ। सोमबार बिहान ललितपुर महानगरपालिका-१६ कुम्भेश्वरस्थित एक घरमा आगलागी भएको जिल्ला प्रहरी परिसर ललितपुरले जनाएको छ।
बिहान ९ बजेतिर लागेको आगो अहिले नियन्त्रणको भएको प्रहरीको भनाई छ। साँघुरो बाटो र दमकल जान असहज भएकाले आगो पूर्ण रूपमा नियन्त्रणमा लिन समस्या भएको बताइएको छ।
अहिले नेपाल प्रहरी, नेपाली सेना, महानगरको नगर प्रहरी र स्थानीयले आगो नियन्त्रण लिएका हुन्। आज जात्राको दिन भएकाले भूइँतलामा जेरी,स्वारी पकाउने काम भएकाले ग्यास लिक भएर हो या विद्युत सर्ट भएर आगलागी भएको प्रारम्भिक अनुसन्धान पनि जारी रहेको प्रहरीको भनाई छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)