हुम्लामा जीप दुर्घटनाका घाइतेको सिम्रिकको हेलिकोप्टरबाट उद्दार, उपचारका लागि सुर्खेत लगियो
भदौ ५, २०८१ बुधबार १६:४४:१६
हुम्ला : दार्मा गौरी सल्ला मोडमा जीप दुर्घटनामा गम्भीर घाइते चारजनाको उद्वार गरिएको छ। गम्भीर घाइते भएका चंखेली गाउँपालिका -२ सुरेन्द्रबहादुर शाही, तिलबहादुर शाही र रारा छायानाथ नगरपालिका -१३ का रमेश मल्ल, रारा छायानाथ-१ का पृथ्वी राउतलाई सिम्रिक एयरको हेलिकोप्टरबाट उद्दार गरी प्रादेशिक अस्पताल सुर्खेत लगिएको छ।
कर्णाली प्रदेश ०२-००१ च ०९२२ बोलेरो जीप दुर्घटनामा ७ जना घाइते भएको मिमि प्रहरीचौकी हुम्लाले जनाएको छ।
'चारजना गम्भीर घाइतेलाई उद्दार गरि सुर्खेत लगिएको छ अन्य घाइतेलाई दार्मा स्वास्थ्यचौकीमा उपचार भइरहेको मिमि प्रहरीचौकी हुम्लाका प्रहरी सहायक निरीक्षक बालकृष्ण खडकाले बताए।
घाइतेको उद्दार खर्च चंखेली गाउँपालिकाको विपद कोषबाट गरिने जनाएको छ।
प्रतिक्रिया दिनुहोस !
