अन्नपूर्णको स्टार्टअप अभियानसँग अर्वान हस्पिटालिटिले गर्यो सहकार्य
भदौ ७, २०८१ शुक्रबार १६:३०:११
काठमाडौं : युवा उद्यमीहरूले सुरू गरेको स्टार्टअप व्यवसायको प्रवर्द्धन गर्न अन्नपूर्ण मिडिया नेटवर्कले सुरू गरेको ‘स्टार्टअपसँग अन्नपूर्ण’ अभियानमा अर्वान हस्पिटालिटि प्रालिले पनि सहकार्य गरेको छ । स्टार्टअप व्यवसाय गरिरहेका युवा उद्यमीहरूसँग सहकार्य गरी उनीहरूको व्यवसाय प्रवर्द्धन गराउन उक्त अभियान सुरू गरिएको हो।
शुक्रबार नेटवर्कको केन्द्रीय कार्यालयमा भएको एक समारोहमा नेटवर्क र अर्वानबीच सहकार्य सम्झौता भएको छ । सम्झौता पत्रमा नेटवर्कका तर्फबाट महाप्रबन्धक मनोज बस्नेत र अर्वान हस्पिटालिटिको निर्देशक रोभिका गुरुङले हस्ताक्षर गरेका हुन्।
अर्वान हस्पिटालिटीले सेवामूलक व्यवसायमा लगानी गरी व्यवसाय सञ्चालन गरिरहेको छ । अर्वानले ‘पोखरा प्रिज्जा हाउस’ब्रान्डमा पोखरा, काठमाडौंको धुम्वाराही र ललितपुरको कुपन्डोलमा व्यवसाय गरिरहेका छ ।
‘अन्नपूर्ण मिडियाले हामी युवा उद्यमीहरूको हौसला बढाउन सुरू गरेको अभियानमा सहकार्य गर्न पाउँदा हर्षित छौं,'अर्वान हस्पिटालिटिको निर्देशक रोभिका गुरुङ भनिन्, ‘यसले हाम्रो ब्रान्डिङलाई बजारीकरण गर्नमा ठूलो सहयोग गर्नेछ।'
प्रतिक्रिया दिनुहोस !
