महोत्तरी : मोटरसाइकल दुर्घटनामा परि रामगोपालपुर नगरपालिका-२ का वडाअध्यक्ष मुकेश यादवको निधन भएको छ। गएराति भएको बर्दिवास जलेश्वर सडकखण्डमा मोटरसाइकल अनियन्त्रित भएर छेउमै रहेको कल्भर्टमा ठोक्किन पुग्दा ३५ वर्षीय वडाअध्यक्ष यादवको घटनास्थलमै निधन भएको हो।
गएराति भएको सो दुर्घटनाबारे स्थानीयले बिहान मात्र थाहा पाएपछि प्रहरीमा खबर गरेका थिए।
नेकपा माओवादीबाट वडा अध्यक्षमा निर्वाचित यादव बर्दिबास नगरपालिका- ८ स्थित औरही कल्भर्ट नजिक मृत अवस्थामा भेटिएको हो । यादवले प्रयोग गर्ने मोटरसाइकल सडक छेउमा र वडा अध्यक्ष यादव सडकभन्दा तल मृत अवस्थामा भेटिएको प्रहरीले जनाएको छ।
घटनाको सम्बन्धमा खबर पाएलगतै प्रहरी घटनास्थलमा पुगि अनुसन्धान गरिरहेको जिल्ला प्रहरी कार्यालय महोत्तरीले जनाएको छ।
प्रतिक्रिया दिनुहोस !
