साउदी : साउदीको दमाम शहरमा राहदानी नवीकरण फारम संकलन तथा नवीकृत राहदानी वितरण सम्पन्न भएको छ।
अधिकांश नेपालीहरू कार्यरत रहेको साउदी अरबको पूर्वीय प्रान्तको शहर दमाममा दुई दिने अस्थायी शिविरमार्फत १ हजार १० जनाको राहदानी नवीकरणका लागि फारम संकलन र ३ हजार ९ सय ३२ जनाको नवीकृत राहदानी वितरण गरिएको छ।
दूतावासको आग्रहमा साउदीमा रहेका एनआरएन लगायत विभिन्न संस्थाहरूको सहकार्य र सहयोग भए तापनि अझै पनि राहदानी कार्यमा सहजीकरण भएको छैन। दैनिक रुपमा राहदानी नवीकरण गर्ने संख्या बढ्दो छ साथै सहजीकरणको लागि थप सम्बन्धित निकायको ध्यानाकर्षण हुन समेत जरुरी देखिन्छ ।
प्रतिक्रिया दिनुहोस !
