काठमाडौं : उद्योग, वाणिज्य तथा आपूर्तिमन्त्री दामोदर भण्डारीले जनतामा देखिएको निराशा हटाउन सरकार प्रतिवद्ध रहेको बताएका छन्। काठमाडौंमा आयोजना गरिएको सुदूरपश्चिम समाजको १५औँ साधारणसभामा मन्त्री भण्डारीले वर्तमान समयमा देखिएको आर्थिक मन्दी, व्यापार घाटा, उद्योग तथा व्यावसायीक क्षेत्रका समस्या सहजीकरण गरी जनतामा देखिएको निराशा हटाउन सरकार प्रतिवद्ध रहेको बताएका हुन्।
मन्त्री भण्डारीले वर्तमान सरकार जनताको निराशा अन्त्य गरी आशा जगाउने बाटोमा उन्मुख भएको बताए । नेपालको उद्यमसिलता र औधोगिक क्षेत्रको विकास गर्न मैले ध्यान केन्द्रीत गरेको छु,'उनले भने,' विशिष्ट परिस्थितिमा बनेको वर्तमान सरकारले राष्ट्रिय चुनौतीलाई अन्त्य गर्ने जिम्मेवारी वहन गरेको छ।
मन्त्री भण्डारीले सुदूरपश्चिमेलीको मौलिक पर्व गौरालाई अन्तर्राष्ट्रियस्तरमा विस्तार गर्नुपर्नेमा जोड दिए। । उनले भने,'विगतमा सुदूरपश्चिममा मात्रै मनाइने गौरा पर्व अहिले देशभर तथा भारत,अमेरिकालगायतका देशमा समेत मनाउन थालिएको छ,यसको मौलिक स्वरुपको विस्तार गरी जनजनमा पुर्याउनुपर्छ।'
गौरा पर्वको विशेषतालाई पाठ्यक्रममा समेत समावेश गर्नु आवश्यक रहेको तथा यस पर्वको महत्व,गरिमा र सान्दर्भीकता देखाउन सके मात्रै राज्यको संरक्षण र सहुलियत प्राप्त गर्न सकिने मन्त्री भण्डारीको भनाइ छ। सो अवसरमा मन्त्री भण्डारीले ‘सुदूरकि सोराई गोःरा विशेष’पुस्तकसमेत विमोचन गरेका थिए।
प्रतिक्रिया दिनुहोस !
