मलङ्गवा : सर्लाही सदरमुकाम मलङ्गवाबाट सशस्त्र प्रहरीले ठूलो परिमाणमा पटका बरामद गरेको छ । मलङ्गवा नगरपालिका- ४ गणेशियास्थित बेबारिसे घरमा लुकाइछिपाइ राखेको अवस्थामा पटका बरामद गरिएको सशस्त्र प्रहरी बल नेपाल नम्बर १० गणका सशस्त्र प्रहरी उपरीक्षक विनोदराज खनालले जानकारी दिए।
करिब २७ लाख ७७ हजार ५ सय मूल्य बराबरको विभिन्न प्रकारको पटका बरामद गरिएको खनालले बताए। भारतबाट ल्याइ नेपालको विभिन्न सहरमा पठाउनका लागि लुकाइ राखेको अवस्थामा पटका बरामद गरिएको हो ।
चाडपर्व नजिकिएसँगै सर्लाहीका विभिन्न नाकाहरूबाट विगतदेखि नै पटकाहरू भित्रिने गरेको छ ।
प्रतिक्रिया दिनुहोस !
