काठमाडौं : युवा उद्यमीहरूले सुरू गरेको स्टार्टअप व्यावसायको प्रवर्द्धन गर्न अन्नपूर्ण मिडिया नेटवर्कले सुरू गरेको ‘स्टार्टअपसँग अन्नपूर्ण’ अभियानमा लेक्सपटिज टेक होल्डिङस् प्रालि जोडिएको छ । बिहीबार नेटवर्कको तीनकुनेस्थित केन्द्रीय कार्यालयमा भएको एक समारोहमा उक्त सम्झौता भएको हो ।
सम्झौतापत्रमा ‘स्टार्टअपसँग अन्नपूर्ण’ अन्नपूर्ण मिडिया नेटवर्कका ब्रान्ड हेड दिबिश पुर्कोटी र लेक्सपटिज टेक होल्डिङस् प्रालिका सिओओ सुरक्षा श्रेष्ठले हस्ताक्षर गरे । यो कम्पनीले खातापाना ब्रान्डमा बजारमा साना व्यावसायी तथा स्टार्टअप कम्पनीहरूका लागि व्यावसाय दर्ता, लेखा प्रणाली, कानुनी सेवा, करसम्बन्धी सेवालगायतका व्यवसाय सुरू तथा सञ्चालन गर्नका लागि आवश्यक सेवाहरू मोबाइल एप तथा वेव प्लेटफर्मबाट प्रदान गर्दै आइरहेको छ ।
‘यो अभियान सान्दर्भीक छ, लेक्सपटिज टेक होल्डिङस् प्रालि सिओओ सुरक्षा श्रेष्ठले भने, ‘यो अभियानले हाम्रा लागि हाम्रा उत्पादनहरूको बजारीकरणका लागि सुर्वण अवसर हो ।’
यो अभियानमा नेटवर्कका सबै प्लेटफर्महरू सहभागी हुनेछन् । नेटवर्कले हाल नेपाली संकरण अन्नपूर्ण पोस्ट दैनिक, अंग्रेजी द अन्नपूर्ण एक्सप्रेस डेली, रेडियो अन्नपूर्ण नेपाल ९४ मेगाहर्ज, अनलाइन न्यूज पोर्टल अन्नपूर्ण पोस्ट डट कम, एपीवान टेलिभिजनलगायतका मिडिया प्लेटफर्महरू सञ्चालन गर्दै आइरहेको छ ।
प्रतिक्रिया दिनुहोस !
