खहरे खोलाले बगाउँदा बालकको मृत्यु
धरान : अत्यधिक वर्षातका कारण खहरे खोलामा आएको बाढीले बगाएर १४ वर्षीय बालकको मृत्यु भएको छ। बुधबार धरान-११ को खहरे खोलामा आएको बाढीले बगाउँदा स्थानीय रोशन लिम्बुको मृत्यु भएको सुनसरीका प्रहरी प्रमुख एसपी बिपिन रेग्मीले बताए।
खहरे खोलाएका बालकाको शव प्रहरी फेलापारी पोस्ट्मार्टमका लागि बीपी कोइराला स्वास्थ्य विज्ञान प्रतिष्ठान धरान पठाएको छ। धरानमा बुधबार हाल सम्मकै अत्यधिक वर्षात भएको कोशी प्रदेश सभा सदस्य रमेश बस्नेतले बताए।