दार्चुला : दार्चुलामा महाकाली नदीमा हामफालेर एक किशोरी बेपत्ता भएकी छन्। जिल्लाको नौगाड गाउँपालिका-४ सिप्टीकी १७ वर्षीया ममता टमटाले महाकाली नदीमा हामफालेर बेपत्ता भएको जिल्ला प्रहरी कार्यालय दार्चुलाले जनाएको छ।
प्रहरी कार्यालय दार्चुलाका अनुसार महाकाली नगरपालिका-४ रिङ्नेतालबाट किशोरीले हामफालेर बेपत्ता भएको जिल्ला प्रहरी कार्यालय दार्चुलाका प्रहरी निरीक्षक ज्ञानेन्द्र बहादुर सिंहले बताए। उनले भने,‘आफ्नै आमासँग गाउँघरबाट बजार आएकी किशोरीले रिङ्नेताल नजिकबाट महाकाली नदीमा हामफालेको हो।’
घरमा बुवा र दाई गुमाएकी किशोरीले नदीमा एक्कासि किन हामफालिन् भन्ने बारे खुल्न नसकेको प्रहरीले जनाएको छ। बिहिबार दिउसो करिब ४ बजेतिर किशोरीले नदीमा हामफालेको बताइएको छ। उनकी आमाले रोक्दा रोक्दै महाकाली नदीमा ममताले हामफालेको प्रहरीले जनाएको छ।
दुई बहिनी र दुई दाजुभाइ रहेकी उनको घरमा बुवा र दाइको पहिले नै निधन भइसकेको छ। उनको खोजीकार्य भइरहेको प्रहरी निरीक्षक सिंहले बताए।
प्रतिक्रिया दिनुहोस !
