काठमाडौं : युवा उद्यमीहरूले सुरु गरेको स्टार्टअप व्यावसायको प्रवर्द्धन गर्न अन्नपूर्ण मिडिया नेटवर्कले सुरू गरेको ‘स्टार्टअपसँग अन्नपूर्ण’ अभियानमा नेपाल फिलिलि टेक प्रालि जोडिएको छ । आइतबार अन्नपूर्ण मिडिया नेटर्वकको तिनकुनेस्थित केन्द्रीय कार्यालयमा भएको एक समारोहमा उक्त सम्झौता भएको हो ।
सम्झौतापत्रमा अन्नपूर्ण मिडिया नेटवर्कका सिनियर मार्केटिङ म्यानेजर बिनोद कोइराला र नेपाल फिलिलि टेक प्रालिका संस्थापक सिईओ जेनिस कोइरालाले हस्ताक्षर गरेका हुन् । यो आईटी कम्पनी हो । यसले एनफिलिलि डट कम र एनफिलिलि डट एआई सञ्चालन गरिरहेको छ ।
‘यो अभियान हाम्रा लागि राम्रो छ,’नेपाल फिलिलि टेक प्रालिका सिईओ जेनिस कोइराला भने, ‘यो अभियानबाट नेपाललाई डिजिटल बनाउने हाम्रो अठोटमा टेवा पुग्नेछ । साथै हाम्रो प्रोडक्टको बजारीकरणमा सघाउ पुग्नेछ ।’
यो अभियानमा नेटवर्कका सबै प्लेटफर्महरू सहभागी हुनेछन् । नेटवर्कले हाल नेपाली संस्करण अन्नपूर्ण पोस्ट दैनिक,अंग्रेजी द अन्नपूर्ण एक्सप्रेस डेली,रेडियो अन्नपूर्ण नेपाल ९४ मेगाहर्ज,अनलाइन न्यूज पोर्टल अन्नपूर्ण पोस्ट डट कम,एपीवान टेलिभिजनलगायतका मिडिया प्लेटफर्महरू सञ्चालन गर्दै आइरहेको छ ।
प्रतिक्रिया दिनुहोस !
