काठमाडौं : युवा उद्यमीहरूले सुरु गरेको स्टार्टअप व्यावसायको प्रवर्द्धन गर्न अन्नपूर्ण मिडिया नेटवर्कले सुरु गरेको ‘स्टार्टअपसँग अन्नपूर्ण’ अभियानमा लुक्ला आउटडोर प्रा.लि जोडिएको छ ।
सोमवार अन्नपूर्ण मिडिया नेटर्वकको तिनकुनेस्थित केन्द्रीय कार्यालयमा भएको एक समारोहमा उक्त सम्झौता भएको हो ।
सम्झौतापत्रमा ‘स्टार्टअपसँग अन्नपूर्ण’ अभियानकी मार्केटिङ संयोजक सुधा भुजेल र लुक्ला आउटडोर प्रा.लिकी सहसंस्थापक आङ छेचि शेर्पाले हस्ताक्षर गरे । यो आउटडोर क्लोथिङ उत्पादन गर्ने कम्पनी हो । यसले डाउन ज्याकेट, थ्री लियर ज्याकेट, पाइन्ट, टिर्सट, क्यापसहित हाईकिङ , ट्रेकिङ र पर्वतारोहण गर्दा आवश्यक पर्ने सामाग्रीहरू उत्पादन गर्दै आइरहेको छ ।
‘यो सुरुवात राम्रो छ’ लुक्ला आउटडोर प्रा.लिकी सहसंस्थापक आङ छेचि शेर्पाले भनिन्, ‘यसले हामीलाई बजारीकरणमा थप सघाउ पुग्नेछ ।’
यो अभियानमा नेटवर्कका सबै प्लेटफर्महरू सहभागी हुनेछन् । नेटवर्कले हाल नेपाली संकरण अन्नपूर्ण पोस्ट दैनिक, अंग्रेजी द अन्नपूर्ण एक्सप्रेस डेली, रेडियो अन्नपूर्ण नेपाल ९४ मेगाहर्ज, अनलाइन न्यूज पोर्टल अन्नपूर्ण पोस्ट डट कम, एपीवान टेलिभिजन लगायतका मिडिया प्लेटफर्महरु सञ्चालन गर्दै आइरहेको छ ।
प्रतिक्रिया दिनुहोस !
