अर्घाखाँची : अर्घाखाँचीको सिमलपानीमा झरनामा नुहाउने क्रममा खोलाले बगाएर एक जनाको मृत्यु भएको छ। अर्का एक जना बेपत्ता भएका छन्।
शितगंगा नगरपालिका-१४ ढावामा छहरे खोलाबाट बगेको झरनामा नुहाउने क्रममा कपिलवस्तुको बाणगंगा नगरपालिका २ निवासी २८ वर्षीय उमेश पौडेलको खोलाले बगाएर मृत्यु भएको जिल्ला प्रहरी कार्यालय अर्घाखाँचीका प्रमुख डीएसपी प्रतीत सिंह राठोरले बताए।
आज दिउँसो झरनामा नुहाउने क्रममा बगेका पौडेल घटनास्थलदेखि अन्दाजी ५ सय मिटर तल खोलामा मृत अवस्थामा फेला परेका हुन्।
बाणगंगा नगरपालिकाका २३ वर्षीय किशोर रासकोटी खोलामा बगेर बेपत्ता भएका छन्। खोलाले बगाएको भन्ने खबर प्राप्त हुनासाथ प्रहरी र स्थानीयले खोजी कार्य भइरहेको जिल्ला प्रहरी कार्यालयका सूचना अधिकारी दीपेन्द्र रावलले बताए।
प्रतिक्रिया दिनुहोस !
