धादिङ : पृथ्वी राजमार्ग अन्तर्गत धादिङको गजुरी गाउँपालिका ६ बेल्खुस्थित सडकमा माथिबाट ढुङ्गा खसेर सडक एकतर्फ अवरुद्ध भएको छ।
नागढुङ्गा–मलेखु सडकमा ढुंगा खसेपछि सडक एकतर्फी मात्रै सञ्चालन भएको हो। करिब १२ बजे बेल्खु पुलनजिकै सडकमा ठूलो ढुंगा खसेपछि यहाँबाट सवारी आवागमनमा कठिनाइ भएको छ।
ढुंगा ठूलो र ठाउँ साँघुरो भएकाले दुईतर्फी खुलाउन समस्या भएको ट्राफिक प्रहरीले जनाएको छ।
अहिले आलोपालो गरेर गाडी सञ्चालन भइरहेको छ। दुईतर्फी खुलाउनको लागि लोडर मेसिन पहिरोतर्फ मोबिलाईज भएकोले करिब एक घण्टामा सडक दुईतर्फी सुचारु हुने नागढुङ्गा मुग्लिङ सडक योजना(पूर्वी खण्ड)का प्रमुख ईश्वरबहादुर रिजालले बताए।
प्रतिक्रिया दिनुहोस !
५
