रातमाटे : बागमती प्रदेशका मुख्यमन्त्री बहादुरसिंह लामा तामाङले आफूलाई स्वतन्त्रतापूर्वक काम गर्न दिन आग्रह गरेका छन्। आफूलाई जनताले निर्वाचित गरेको र जनताकै काम गर्न आएको हुँदा आवश्यकताअनुसार आफूले कामगर्ने बताए।
नुवाकोटको रातमाटेमा आयोजित कार्यक्रममा मुख्यमन्त्री तामाङले आफूलाई कहाँ के विकास आवश्यक छ। त्यसको तथ्यांक निकालिसकेको र आवश्यकताअनुसार विकास निर्माणलाई प्राथमिकता दिने बताए। आफूलाई आफ्नै जिल्लाबासीले स्वतन्त्रतापूर्वक काम गर्न दिन र अनावश्यक दबाब नदिन आग्रह गरे।
उनले आफूले सुशासन, आर्थिक पारदर्शिता र वित्तीय नियन्त्रण र अनुशासनलाई पहिलो प्राथमिकतामा राखेको बताए। यसका लागि प्रभावकारी रूपमा काम गर्ने उनले बताए। उनले माग र आवश्यकताको पहिचान गरी विकास, निर्माण, शिक्षा, स्वास्थ्य क्षेत्रमा प्रभावकारी काम गर्ने बताए । शिक्षा र स्वास्थ्य मानवको पहिलो आवश्यकता भएका कारण यसलाई बिग्रिन नदिने उनले वाचा गरे।
प्रतिक्रिया दिनुहोस !
