पोखरा : तीज सांस्कृतिक महोत्सव पोखरामा हुने भएको छ। पर्यटन व्यवसायी महिला संघ नेपाल (टेवान) को आयोजनमा पोखराको लेकसाइडस्थित बाराही घाटमा तीज सांस्कृतिक महोत्सव २०८१ हुन लागेको हो।
‘नारीहरूको महान पर्व तीजलाई भव्य रूपमा मनाउनका लागि तीज सांस्कृतिक महोत्सव पोखरामा गर्न लागेका हौं’, टेवानका कोषाध्यक्ष कमला गुरुङले भनिन्, ‘महोत्सवलाई भव्य बनाउन खुल्ला तीज गीत प्रतियोगिता राखेका छौं।’
उनका अनुसार यही भद्रा २१ र २२ गतेसम्म सञ्चालन हुने उक्त महोत्सवमा विजयी हुने गीतले क्रमशः ३० हजार, २० हजार, १५ हजार र सान्त्वना १० टिमले प्रतिटिम ५ हजार रुपैयाँ नगद पुरस्कार प्राप्त गर्ने छन्।
महोत्सवमा झाँकी प्रदर्शन, साडी दौड, रस्साकस्सी प्रतियोगिता, नृत्यसहित भेषभुषाको समेत प्रदर्शन गरिनेछ।
प्रतिक्रिया दिनुहोस !
