काठमाडौं : राजधानीमा जारी एन्फा महिला लिगमा विभागीय टोली त्रिभुवन आर्मी विजयी भएको छ। बागमतीलाई हराउँदै आर्मी अंक तालिकाको दोस्रो स्थानमा उक्लिएको छ।
सातदोबाटोस्थित एन्फा कम्प्लेक्समा बिहीबार भएको पहिलो खेलमा आर्मीले बागमती युथ क्लबलाई ३–० ले पराजित गरेको हो। आर्मीका लागि विमला चौधरीले २५औं मिनेटमा पहिलो गोल गरेकी थिइन्।
त्यस्तै खेलका ६१औं मिनेटमा अमिषा कार्कीले आर्मीका तर्फबाट अर्को गोल गरिन् भने ९०औं मिनेटमा आर्मीले अर्को गोल थपेको थियो। त्यस्तै बिहीबार नै भएको अर्को खेलमा एपिएफ क्लबले वालिङ नगरपालिकालाई पराजित गरेको छ। एपिएफले वालिङलाई २–१ गोल अन्तरले पराजित गरेको हो।
प्रतिक्रिया दिनुहोस !
