‘स्टार्टअपसँग अन्नपूर्ण’ अभियानको बिजनेश डेभलपमेन्ट पार्टनरमा उद्यमशील
भदौ ३०, २०८१ आइतबार ११:४३:१०
काठमाडौं : युवा उद्यमीहरूले सुरू गरेको स्टार्टअप व्यावसायको प्रवर्द्धन गर्न अन्नपूर्ण मिडिया नेटवर्कले सुरू गरेको ‘स्टार्टअपसँग अन्नपूर्ण’अभियानलाई प्रभावकारी बनाउनका बिजनेश डेभलपमेन्ट पार्टनरमा उद्यमशील प्रालि जोडिएको छ ।
आइतबार अन्नपूर्ण मिडिया नेटवर्कको मुख्यालय तिनकुनेस्थित कार्यालयमा भएको एक समारोहमा उक्त सम्झौता भएको हो । सम्झौतापत्रमा अन्नपूर्ण मिडिया नेटवर्कका महाप्रबन्धक मनोज बस्नेत र उद्यमशील प्रालिका कन्ट्री मेनेजिङ पार्टनर इन्द्र खड्काले हस्ताक्षर गरे । यो कम्पनीले बिजनेश बैंकिङ कन्सलटीङसहित उद्यमशीलताको प्रवर्द्धनका लागि ५ वर्षदेखि सक्रिय रुपमा कार्य गर्दै आइरहेको छ ।
‘हाम्रा लागि यो अभियान अर्थपूर्ण छ,’उद्यमशील प्रालिका कन्ट्री मेनेजिङ पार्टनर इन्द्र खड्काले भने, ‘हामीले यो अभियानमा जोडिएका स्टार्टअप कम्पनीहरूलाई चाहिने बिजनेश सपोर्ट, क्षमता अभिवृद्धि र वित्तिय पहुँचका लागि तयारी गराउने र बजार पहुँचका लागि सहकार्य गर्नेछौं ।’
यो अभियानमा नेटवर्कका सबै प्लेटफर्महरू सहभागी हुनेछन् । नेटवर्कले हाल नेपाली संस्करण अन्नपूर्ण पोस्ट दैनिक,अंग्रेजी द अन्नपूर्ण एक्सप्रेस डेली,रेडियो अन्नपूर्ण नेपाल ९४ मेगाहर्ज,अनलाइन न्यूज पोर्टल अन्नपूर्ण पोस्ट डट कम,एपीवान टेलिभिजनलगायतका मिडिया प्लेटफर्महरू सञ्चालन गर्दै आइरहेको छ ।
प्रतिक्रिया दिनुहोस !
