काठमाडौं : नेपाली कांग्रेस बागमती प्रदेश कार्यसमितिले पेरिस पारालिम्पिकमा नेपालका लागि ऐतिहासिक कास्य पदक विजेता पलेसा गोवर्द्धनलाई सम्मान गरेको छ ।
सोमबार ललितपुरमा आयोजित एक कार्यक्रमकाबीच कांग्रेस बागमती प्रदेश कार्यसमितिका सभापति इन्द्रबहादुर बानियाले पलेसालाई सम्मानपत्रसहित सम्मान गरेका हुन्।
कार्यक्रममा पलेसाले आफूले निकै मेहनत गरेका कारण पदक हासिल गर्न सफल भएको भन्दै आगामी दिनमा थप मेहनतका साथ अघि बढ्ने बताइन्। खेलको तयारीका लागि प्रयाप्त पूर्वाधार नहुँदा पनि उच्च मनोवलका साथ खेल प्रदर्शन गरेको उनले बताइन्।
सन् २०२४ अगष्ट २८ देखि सेप्टेम्बर ८ सम्म मित्रराष्ट्र फ्रान्सको पेरिसमा आयोजित पेरिस पारालिम्पिक– २०२४ मा ऐतिहासिक कास्य जितेकी थिइन्।
प्रतिक्रिया दिनुहोस !
