डोल्पा : डोल्पामा प्रहरीले पहिचान नखुलेको एक जनाको शव भेटिएको छ।
आइतबार बेलुकी जिल्ला प्रहरी कार्यालय डोल्पाको टोलीले ठुलीभेरी नगरपालिका र काइके गाउँपालिकाको सिमाना पर्ने पाल्चा खोलाको पारी पट्टि शव फेला पारेको हो।
टाउको मात्र देखिएको अवस्थामा शव देखिएको र पछि घटनास्थलमै पुगेर हेर्दा मृत अवस्थामा शव भेटिएको जिल्ला प्रहरी कार्यालय डोल्पाका डीएसपी हरिकृष्ण केसीले जानकारी दिए।
प्रारम्भिक अनुसन्धान भइरहेको र घटना स्थलको प्रकृति हेर्दा खोलाले बगाएर ल्याएको हुनसक्ने डीएसपी केसीको भनाइ छ। केही समय अगाडि जाजरकोट जिल्लाका एक जना हराएको निवेदन आफू कहाँ आएको प्रहरीले जनाएको छ।
प्रतिक्रिया दिनुहोस !
