काठमाडौं : आज बिहान कोशी र बाग्मती प्रदेशका केही ठाउँमा र बाँकी प्रदेशका एक दुई ठाउँमा सामान्य वर्षा भइरहेको मौसम पूर्वानुमान महाशाखाले जनाएको छ।
आज दिउँसो गण्डकी,लुम्बिनी,कर्णाली र सुदूरपश्चिम प्रदेशका केहि स्थानहरूमा र बाँकी प्रदेशका एक-दुई स्थानमा मेघ गर्जन/चट्याङ्ग सहित हल्कादेखि मध्यम वर्षा हुने र कोशी प्रदेशका तराई भू-भाग तथा मधेश प्रदेशका थोरै स्थानहरूमा हावाहुरीको पनि आउने महाशाखाले बुलेटिनमा उल्लेख गरेको छ। आज सुदूरपश्चिम प्रदेशका एक-दुई स्थानमा ठूलो पानी पर्ने जनाइएको छ।
त्यस्तै आज राती कर्णाली र सुदूरपश्चिम प्रदेशका थोरै तथा बाँकी भू-भागका एक-दुई स्थानमा मेघ गर्जन/चट्याङ्ग सहित हल्का देखि मध्यम वर्षा हुने छ।
आज सुदूरपश्चिम प्रदेशका एक-दुई स्थानमा भारी वर्षा हुने तथा कोशी र मधेश प्रदेशका केही स्थानहरूमा हावाहुरी आउने सम्भावना रहेकोले ती क्षेत्रमा हुन सक्ने सम्भावित जोखिमबाट बच्न महाशाखाले अनुरोध गरेको छ।
प्रतिक्रिया दिनुहोस !
