बझाङमा ट्याक्टर दुर्घटना : चालकसहित दुईजना सेती नदीमा बेपत्ता, तीनजनाको उद्दार
असोज २, २०८१ बुधबार ११:५०:१६
बझाङ : बझाङको जयपृथ्वी राजमार्गस्थित दुर्गाथली गाउँपालिका -२ झनाना बजार नजिक ट्याक्टर दुर्घटना हुँदा दुईजना सेतीन नदीमा बगेर बेपत्ता भएका छन् भने तीनजनाको उद्दार गरिएको छ । बुधबार बिहान करिब ९ : ३५ बजे दुर्गाथली गाउँपालिकाको मौरीबगरबाट झनानातर्फ गरहेको सुपप्र ०१००२ त ५१७८ नम्बरको ट्याक्टर अनियन्त्रित भइ सडकबाट ५० मिटर तल सेती नदीमा खसेको थियो।
ट्याक्टर चालक जाजरकोट जिल्ला भेरी नगरपालिका वडा नम्बर २ का २० वर्षीय सन्जय बुढा र सोही ठाउँका २२ वर्षीय लोकेन्द्र घर्ती सेती नदीमा बगेर बेपत्ता भएका छन् । यस्तै ट्याक्टरसँगै खसेका जाजरकोटकै त्रिवेणी नलगाड नगरपालिकाका १५ वर्षीय हेमराज विक, २१ वर्षीय सपेन्द्र विक र १३ वर्षीय निरज विकको उद्दार गरिएको जिल्ला प्रहरी कार्यालय बझाङका सूचना अधिकारी तथा प्रहरी निरीक्षक किशोर जोशीले बताए ।
उद्दार गरिएका तीनैजना सामान्य घाइते रहेको र उनीहरको केदारस्युँ गाउँपालिका -९ झोता बजारमा रहेको भैरव स्वास्थ्य चौकीमा उपचार भइरहेको छ । बेपत्ता भएका चालक बुढा र घर्तीको डिएसपी युवराज भण्डारीसहित प्रहरी टोली र स्थानीयले खोजी गरिरहेका छन् ।
प्रतिक्रिया दिनुहोस !
